Ang dakbayan sa Gingoog malampuson ug malipayon nga nagsaulog sa ika-60 ka tuig nga pagkahimo niini nga usa ka dakbayan nga ang tema: GINGOOG Gearing towards Progress…a City in Unity. Ang mensahe sa atong pinalanggang Mayor mao ang pinaka gipasibaw nga napa-abot sa maong kasaulogan. Nadungog sa katawhan sa atong dakbayan ang tionay nga pagpasalamat, pagdayeg, panghangyo ug pagdasig sa tanan aron makab-ot gayud ang gitinguha niini nga mamahimong usa ka livable, competitive, self-sustaining, resilient, and inclusive nga dakbayan. Gisaysay usab sa atong Mayor Erick G. Cañosa ang mga proyekto nga nahuman ug nasugdan nga nahisubay gayud sa bulawanong panglantaw o GOLD Platforms of Government sa kasamtangang administrasyon. Gipakita usab niini ang Flagship Projects nga mao ang Da Grove at Gingoog @ Highway 955 nga nahimutang sa sitio Civoleg Barangay Lunotan, Badiangon Water Park ug ang Tiklas Falls.

Sulod sa usa ka tuig, tataw kaayo ang tinuoray nga pagpanerbisyo sa CU administrasyon. Ug isip pagpakita sa usa ka dayag nga pagpanerbisyo ang buhatan sa Agricultura gigahinan og pinakadakong pundo sa atong pangngagamhanan aron ang panginabuhian sa mga mag-uuma ug mananagat mamahimong independente ug malahutayon. Lakip usab ang pagpadako sa pundo ang buhatan sa City Health, City Social Welfare and Development, lakip ang Edukasyon ubos sa “ one poor family, one graduate program”.

Malaumon ang atong mga lideres nga makab-ot gayud ang pangandoy sa mga Gingoognon inubanan sa giya sa atong Diyos nga Labaw’ng Makagagahum.