Dakbayan sa Gingoog, Gideklarang Top 6 Most Competitive sa Government Efficiency (Component City Category) Nationwide

Dakong garbo sa lokal nga pangagamhanan ubos sa pagdumala ni Mayor Erick G. Cañosa inubanan sa mga miyembro sa Sangguniang Panlungsod human gideklarang Top 6 Most Competitive sa Government Efficiency Pillar ang Dakbayan sa Gingoog atol sa nahitabo nga 10th Cities and Municipalities Competitiveness Summit niadtong Oktubre, 20, 2022.

Kahinumduman nga gideklarang Top 10 ang Dakbayan sa parehang kategorya sa tuig 2021 busa dakong kalipay sa kasamtangang administrasyon nga misaka kita karong tuiga isip Top 6 sa Component Cities Category.

Tumong sa Cities and Municipalities Competitive Index (CMCI) ang pagsusi sa productivity sa mga lokal nga pangagamhanan lakip na ang utilization of resources arun mas mapauswag pa ang ekonomikanhong kalihokan sa matag LGU.

Gipaabot ni Mayor Cañosa ang pagpasalamat sa tanan buhatan sa lokal nga pangagamhanan sa padayon nga pakighiusa niini sa mga tinguha sa kasamtangang administrasyon arun mas mapauswag pa ang kinabuhi sa matag pamilyang Gingoognon.

Gingoog City
Scroll to Top