Dakong garbo sa lokal nga pangagamhanan ug sa kasamtangang administrasyon human gideklarang Seal of Good Local Governance (SGLG) 2022 Awardee ang Dakbayan sa Gingoog niadtong Oktubre 27, 2022.
Ang SGLG ang pinakataas nga pasidungog nga ginahatag sa DILG sa mga lokal nga pangagamhanan agi’g pag-ila ug pagrekognisa sa maayong pagdumala niini pinaagi sa giimplementar nga programa ug proyekto.
Mapasalamaton si Mayor Erick G. Cañosa uban sa mga miyembro sa Sangguniang Panlungsod sa padayon nga pagkahiusa ug pagpaningkamot sa matag buhatan sa LGU arun makab-ot sa Dakbayan ang usa ka prestihiyosong award. Malaumon usab kini nga pinaagi sa SGLG Award, mas madasig ang matag kawani sa gobyerno sa pagpaabot sa pagpangalad ngadto sa katawhan.
