Kamanikan Integrated School, Benepisyaryo sa Project Angel Tree

Personal nga gitambungan ni SP Committee on Education Chairman Kag. Evelyn G. Cañosa ug IPMR Kag. Estoriano Mandahinog ang school supplies and slippers distribution ngadto sa 348 ka identified nga mga magtutungha gikan Kinder padulong Grade 10 sa Kamanikan Integrated School, atol sa gipahigayon nga Modified Project Angel Tree, adlaw’ng Huwebes, Septembre 22, 2022.


Usa sa gitutukan sa kasamtangang administrasyon nga mapugngan ang child labor sa Dakbayan pinaagi sa paghatag og dakong pagtagad sa pagpaabot sa edukasyon ngadto sa kabatan-onang Gingoognon ug IP Communities busa nakighiusa kini sa Project Angel Tree nga inisiyatiba sa DOLE X ubos sa pagdumala ni RD Albert Gutib ug PD Jose Errol Natividad. Pinaagi sa maong proyekto, dili lamang maabagan ang mga panginahanglanon sa maong mga estudyante kundili mapabati usab kanila nga prayoridad sila sa gobyerno.


Malaumon ang mga lideres sa Dakbayan nga magpadayon ang collobarative efforts sa LGU ug sa lain-laing mga stakeholders arun masiguro ang pagpaabot sa pagpangalagad ngadto sa katawhan. Lakip nitambong sa maong kalihokan si DOLE-X Representative Ms. Alice Tinhay, PB Lolita Cabilto, PESO Manager Jessie F. Reyes, DOLE Gingoog Manager Ellen Reyes, Kamanikan IS faculty and staff ug uban pang mga personahe.

Scroll to Top