Gingoog City – Pormal nga gi turn over ang unom (6) ka Mud Boats nga adunay makina ngadto sa Bal-ason Farmers Producers Cooperative pinaagi sa Philippine Mechanization (PhilMech) Program ubos sa Rice Competitiveness Enhancement Fund (RCEF), adlaw’ng Lunes, Oktubre 5, 2020 sa City Hall Grounds.
Kahibaloan nga niaging semana, giturnover usab ang Rice Reaper nga parte sa P5,270,000.00 nga budget sa programang PhilMech. Ang usa ka Mud Boat kaya mo daro ug usa ka hektarya matag adlaw. Dako kini nga tabang para sa mga mag-uuma arun mas mapadali ang ilang pagdaro ug pag preparar sa yuta para matamnan.
Padayon usab ang pagpahinumdum sa kasamtangang administrasyon nga paga-ampingan ang mga suporta susama niini arun mas daghan pa kini matabangan ug mapalambo nga panginabuhian.
Mitambong sa maong turnover si City Mayor Erick G. Canosa, Kag. Evelyn Canosa, Kag. Winfred Militante Jr., Kag. Jerome Mercado, Kag. Roy Aniscal, Kag. Judeline Bernaldez, ABC President Robert de Lara, ang bag-ong City Agriculturist, Ms. Meriam A. Dela Plaza ug mga miyembro sa Bal-ason Farmers Producers Cooperative.