ORCHIDARIUM SA DAKBAYAN
Previous
Next
Preparasyon para sa Orchidarium sa Dakbayan, Gisugdan
GINGOOG CITY –Gibisita sa lokal nga pangagamhanan ang nursery sa gipropagate nga mga orchids sa Sitio Civoleg, Barangay Lunotan, adlaw’ng Miyerkules, Oktubre 7, 2020. Tumong sa maong pagbisita ang pagsusi kun andam na ang mga tanom nga ibalhin sa bag-ong puluy-anan niini sa gihimong Orchidarium nga usa sa mga atraksyon sa The Grove @ Highway 955.
Kahibaloan nga niaging tuig, mibisita ang kasamtangang administrasyon sa nasud sa Taiwan arun tun-an ang sakto nga pagpatubo sa mga orchids. Nagdala usab kini og mga lain-laing klase sa orchids gikan sa maong nasud arun padaghanon ug puhon nga himuong display sa show window sa Orchidarium. Lakip sa plano sa bag-ong atraksyon ang pag offer og propagated orchids nga mamahimong mapalit sa mga turista nga interesado niini.
Human sa pipila ka mga bulan,makita na ang resulta sa hugot nga pagpaningkamot arun masiguro nga insakto ang pag alima sa maong mga orchids.Gilauman nga dungan sa soft opening sa usa sa mga flagship projects sa CU Administration, ang The Grove @ Highway 955, mamahimong abli na usab ang Orchidarium diin makita ang mga orchids ug mamahimo na kining andam nga masuruyan sa katawhan.
Anaa sa maong pagbisita si City Mayor Erick G. Cañosa, Vice Mayor Peter M. Unabia, ABC President Robert J. de Lara, SPDMO Consultant Mr. Ancio Felican, ug Engr. Rogelyn Maye Alcaria gikan sa sa Special Projects Development and Management Office (SPDMO)