Philippine Standard Time:
Seal of Good Local Governance 2022, Malampusong Gidawat ni Mayor Erick Cañosa
Personal nga gidawat ni City Mayor Erick G. Cañosa uban ni City Internal Auditor Niema Marie B. Remegoso, ug DILG CLGOO Rey Gilbert Capricho ang 2022 Seal of Good Local Governance National Award alang sa Dakbayan sa Gingoog nga gitunol mismo ni DILG Sec. Benjamin Abalos, Jr. Ang maong awarding gipahigayon sa Fiesta Pavilion, Manila Hotel, adlaw’ng Huwebes, Disyembre 15, 2022. Uban usab nila ang mga department heads ug mga miyembro sa konseho.
Ang Seal of Good Local Governance usa ka pasidungog sa matinud-anon ug dayag nga pagpangalagad sa mga lokal nga pangagamhanan. Usa ang Dakbayan sa Gingoog sa 112 LGUs nga nakadawat sa maong pasidungog nga gipahigayon sa DILG. Lakip sa maong award ang incentive nga nagkantidad ug 7 Million Pesos alang sa mga proyekto nga idapat sa dakbayan.
Mapasigarbohon ang kasamtangang administrasyon sa maong rekognisyon nga nagpamatuod lamang sa pagkahiusa sa lokal nga pangagamhanan alang sa pagpauswag sa Dakbayan.