Barangay Development Planning Workshop with Special Topic on Moral Recovery Program, Nagmalampuson

BARANGAY DEVELOPMENT PLANNING WORKSHOP
BARANGAY DEVELOPMENT PLANNING WORKSHOP

GINGOOG CITY – Malampuson nga napahigayon ang Barangay Development Planning (BDP) Validation, Prioritization and Consolidation Workshop with Special Topic on Moral Recovery Program nga gipangunahan sa DILG ug City Planning and Development Office (CPDO) niadtong Oktubre 13- 16, 2020 sa Amaya View CDO.

Tumong sa maong kalihokan ang paghatag og conducive nga learning environment aron nga mamugna og insakto ang Barangay Development Plans (BDP) ug Local Investment Plans (LIP) sa nagkandaiyang mga barangay, Comprehensive Development Plan (CDP) sa Gingoog, ug ang paglista sa suporta ug functions sa mga opisyales sa barangay sa pagpatuman sa mga plano nga nahisulod sa BDP ug CDP. Ang BDP usa ka opisyal nga dokumento diin makita ang mga programa, proyekto, kalihukan, ug plano sa matag barangay.

Napatuman kini nga kalihokan sulod sa pagsunod sa mandato sa Section 106 ug 109 sa RA 7160 o ang Local Government Code nga tanan Local Government Units (LGU) magmugna og usa ka komprehensibo ug multisectoral nga development plan aron nga mahatagan og direksyon ang mga proyekto ug programa sa gobyerno nga mamahimong haom sa panginahanglanan sa mga lumulupyo hilabi na ang panginahanglanon sa economic ug social nga development sa dakbayan.

Ang pagpahigayon sa maong workshop, usa sa pinakamahinungdanong lakang sa kasamtangang administrasyon ubos sa pagdumala ni City Mayor Erick G. CaƱosa ug ni City Vice Mayor Peter M. Unabia ug mga miyembro sa Sangguniang Panlungsod padulong sa pagpauswag sa dakbayan sa Gingoog. Pinaagi niini, nagkahiusa ang mga lideres sa 79 ka barangay aron nga tanan panginahanglanon sa matag barangay mahatagan og saktong pagtagad. Dako usab ang pagpasalamat sa CU Administration sa tanan buhatan ug mga personahe nga nitambong ug nagtabang arun mamahimong magmalampuson ang maong kalihukan.

Source: https://www.facebook.com/permalink.php?story_fbid=3363132337104351&id=2266783366739259

Comments

No comments yet. Why don’t you start the discussion?

Leave a Reply

Your email address will not be published.