GINGOOG CITY — Pormal nga gipresentar ni CLGOO Ma. Corazon Cimancio sa buhatan sa Department of Interior and Local Government (DILG) ang Contact Tracing Team sa Dakbayan atol sa Convocation adlaw’ng Lunes, Oktubre 19, 2020. Tumong sa maong mga contact tracers nga mahatagan og suporta ang task force arun mas mapadali ang tracing sa mga kaso sa covid-19.
Ang Contact Tracing Team mao ang gitahasan nga mukolekta ug mag document sa datus; mag-assist sa research; mag-interview sa mga taong adunay kalambigitan sa COVID19 cases hilabi na ang mga confirmed positive, probable nga pasyente o mga close contacts sa confirmed positive; mag conduct sa health ug risk assesment; ug mag-imbestigar sa mga tawo/sitwasyon nga adunay kalambigitan sa COVID19.
Ang Contact Tracers sa dakbayan, nag gikan sa lain-laimg bahin sa probinsiya. Tungod sa hulga sa pandemya, ang mga lumulupyo sa laing mga bahin sa Misamis Oriental nga lakip sa contact tracers, dili usa papaulion tagsa-tagsa niini nga panimalay samtang nagsagubang pa niining pandemya aron masiguro luwas sa ang mga katawhan sa nagkandaiyang mga dakbayan.
Ang Contact Tracing Team mao ang dugang nga giilang frontliners ug dako ang mamahimong tabang niini sa improvement sa serbisyong medikal.