Philippine Standard Time:
Bag-ong Dialysis Center, Pagaabrihan sa Dakbayan
Bag-ong Dialysis Center, Pagaabrihan sa Dakbayan
Suportado sa kasamtangang administrasyon nga gipangunahan ni City Mayor Erick G. Cañosa ug Vice Mayor Tadoy Lugod ang gipahigayon nga blessing and ribbon cutting sa Total Care Dialysis Center adlaw’ng Biyernes, Mayo 26, 2023. Ang Total Care Dialysis Center nga anaa nahimutang sa Villahermosa Bldg., F. Dugenio Street atbang sa MOPH ug gipanag-iyahan ni Mr. Jylberd Nabor, nagalayon sa paghatag og barato ug accessible nga pasilidad sa mga dialysis patients sa Dakbayan ug mga silingang munisipalidad.
Gilantaw ni Mayor Cañosa inubanan sa suporta sa Sangguniang Panlungsod nga mapaabot sa mga Gingoognon ang libreng pangalagad sa mga nanginahanglan niini.
Kini usa ka mahinungdanong partnership sa LGU ug Total Care Dialysis Center sa padayon nga pagtunol sa social and health services sa matag Gingoognon uban sa suporta ni Gov. Peter M. Unabia ug Cong. Christian S. Unabia.
Anaa usab sa maong higayon si Kag. Jerome Magan, Kag. Bebot Villahermosa, Kag. Rodrigande Miole, Kag. Judeline Bernaldez, Kag. Jacob Motoomull, SK Federation President Fatima Grace Guanzon, Rev. Fr. Nicholas Basadre, City Administrator Dr Enrique S. Guevarra, PLTCOL Cecelio Orcullo, mga department heads ug uban pang mga personahe.