GINGOOG CITY — Pormal nga giturn-over sa lokal nga pangagamhanan ang duha (2) ka Disaster Mass Evacuation Vehicles ug duha (2) ka dugang Rescue Ambulance Vehicles arun magamit na kini para sa pagpangalagad sa katawhan sa dakbayan. Kini gipahigayon atol sa Convocation adlaw’ng Lunes, Septembre 28, 2020 sa City Hall Grounds.
Gihatagan og tag-usa ka Disaster Mass Rescue Vehicle ug Rescue Ambulance ang Liga ng mga Barangay ug ang City Disaster Risk Reduction and Management Office (CDRRMO). Ang maong mga sakyanan gilauman nga makatabang arun mas mapadali ang pag rescue sa mga biktima sa bisan unsang emerhensiya nga posibleng mahitabo.
Matod pa ni City Mayor Erick G. Cañosa, “as promised sa kasamtangan administrasyon nga ihatag gayud ang panginahanglanon sa dakbayan usama niining mga sakyanan para adunay magamit sa panahon sa emerhensiya sama sa baha ug mga aksidente hilabi na sa mga lugar sa kabukiran nga layo sa sentro sa dakbayan.
Dako ang pasalamat ni City Mayor Erick G. Cañosa ug Vice Mayor Peter M. Unabia ngadto kang CDRRMO Head Mr. Marlon E. Pajo uban sa mga kauban niini sa buhatan sa padayon nga pagsakripisyo para ma mintinar ang paghatag og maabtikong pagresponde aron sa luwas ug malig-on nga dakbayan sa Gingoog.
Anaa usab sa maong kalihokan si kauban si Kag. Evelyn Cañosa, Kag. Winfred Militante, Jr., Kag. Judeline Bernaldez, Kag. Jerome Mercado, Kag. Conrado Gomez, Jr., ABC President Robert J. de Lara, SK President Fatima Grace Guanzon, ug mga Board of Directors sa Liga ng mga Barangay.