Kampanya Batok Tigdas, Gipanghingusgan

Kampanya Batok Tigdas, Gipanghingusgan

GINGOOG CITY – Gisugdan na sa Department of Health (DOH) pinaagi sa buhatan sa City Health ang kampanya batok tigdas or measles sa kabatan-unan pinaagi sa gipahigayon nga Ceremonial Vaccination sa City Hall Ground, Oktobre 26, 2020, atol sa Monday Convocation.Kahibaloan nga ang labing apektado niini nga sakit mao ang mga anaa sa 9 to 59 months ang pang-edaron.

Tungod niini, ang buhatan sa City Health inubanan sa hugot nga suporta sa lokal nga pangagamhanan, gisugdan na ang kampanya para sa dugang bakuna sugod Oktobre 26 hangtud sa Nobyembre 25, 2020. Mahitabo kini nga vaccination sa mga health centers, vaccination posts sa nagkandaiyang mga barangay, ug sa mga tagsa-tagsang panimalay kung mahitabo nga dili makaadto sa health centers o vaccination posts ang mga ginikanan ug anak sa mga hingtungdan.

Abli ang nagkandaiyang buhatan sa health centers ug vaccination posts sugod Lunes hangtod Biyernes sulod sa alas-otso sa buntag paingon alas-singko sa hapon (8AM-5PM).Mapasalamaton ang kasamtangang administrasyon sa susama niini nga inisiyatibo sa national government tungod kay dako kini og tabang arun malikay ang mga kabatan-unan sa dugang balatian hilabi na sa panahon sa pandemya. Gipaabot usab sa CU Administration ang hugot niini nga suporta sa uban nga mga programa sa DOH ug City Health Office nga para sa kaayuhan sa matag pamilyang Gingoognon.

See Post on Facebook