Republic of the Philippines

Local Government of Gingoog City

Excel Gingoog City | Together, We Can Unite

Dakong garbo sa dakbayan human gipasidunggan sa Civil Service Commission X si City Mayor Erick G. Cañosa isip CSC Regional Winner sa Presidential Lingkod Bayan Awardee atol sa pagsaulog sa ika-123rd Philippine Civil Service Anniversary: Parangal at Pasasalamat ubos sa tema nga “Transforming Public Service in the Next Decade : Honing Agile and Future Ready Servant Heroes”, adlaw’ng Biyernes, Septembre 22, 2023 sa Malberry Suites Business Hotel, Cagayan de Oro City.

 

Ang Presidential Lingkod Bayan Award parte sa Search for Outstanding Government Workers sa CSC nga nagalayon sa pag-ila sa mahinungdanong kontribusyon sa mga government officials and employees hilabi na sa gipakita niini nga outstanding work performance nga nakahatag og positibong epekto sa katawhan ug komunidad niini.

 

Mapasalamaton si Mayor Cañosa sa gipaabot nga suporta ug kolaborasyon sa mga buhatan sa LGU Gingoog hilabi na sa implementasyon sa mga proyekto ug programa nga nakahatag og kausaban ug dugang pag uswag sa kinabuhi sa matag pamilyang Gingoog. Makalaum usab ang mga residente sa dakbayan nga magpadayon ang pagpaningkamot sa kasamtangang administrasyon sa pagpatuman sa mga programa nga nga haom sa panginahanglanon sa katawhan.

 

Lakip misaksi sa awarding ceremony si CSC Acting Asst. Commissioner Karin Litz Zerna, Acting RD Atty. Cossete Maglasang-Mundo, Acting Dir. IV Noemi Rabe-Torres, Kag. Evelyn G. Cañosa uban sa pamilya niini, SK Federation President Fatima Grace Guanzon, Chief of Staff Dr. Sheri Love Aguiman, Ms. Sheila Cañosa, Heads of Offices, Government Officials, Awardees, ug uban pang personahe.